महापालिका आरोग्य स्थायी समितीची शुक्रवारी बैठक

बेळगाव : महानगरपालिकेच्या आरोग्य स्थायी समितीची बैठक शुक्रवार दि. 7 रोजी सकाळी 11.30 वाजता स्थायी समिती सभागृहात आयोजित करण्यात आली आहे. सदर बैठकीची नोटीस कौन्सिल सेक्रेटरी प्रियांका विनायक यांनी अध्यक्ष, सदस्य व अधिकाऱ्यांना जारी केली आहे. सदर बैठकीत 16 सप्टेंबर 2025 रोजी झालेल्या बैठकीतील इतिवृत्त वाचून दाखवून त्याला मंजुरी देणे, सन 2025-26 एसएफसी अनुदानातून शेकडा 7.25 आणि शेकडा 5 योजनेंतर्गत 6 आणि 7-13 वयोगटातील मुलांना सिंगल प्रिमियम पॉलिसी देण्याबाबत चर्चा केली जाणार आहे. याचबरोबर कंत्राटी पद्धतीवर चारचाकी वाहने घेण्याबाबत, शहर स्वच्छतेच्या कामासाठी लागणारे साहित्य खरेदी करण्याबाबत चर्चा केली जाणार आहे. तसेच अध्यक्षांच्या परवानगीने येणाऱ्या इतर विषयांवरही यावेळी चर्चा होणार आहे.