पूजा मेरी जॉनमध्ये मृणाल

अभिनेत्री मृणाल ठाकूरने आता बॉलिवूडमध्ये स्वतःचे स्थान निर्माण केले आहे. ‘सीता रामम’ या चित्रपटामुळे ती दक्षिणेतही लोकप्रिय ठरली आहे. मृणाल आता ‘पूजा मेरी जान’ चित्रपटात काम करणार आहे. या चित्रपटात ती मुख्य भूमिका साकारणार आहे. मृणालने स्वतःच्या कारकीर्दीची सुरुवात टीव्ही मालिकेद्वारे केली होती. ‘मुझसे कुछ कहती है..ये खामोशियां’ या मालिकेत तिने मुख्य भूमिका साकारली होती. त्यानंतर ‘कुमकुम भाग्य’ या मालिकेतही तिने काम केले होते. अभिनेत्रीने ‘लव्ह सोनिया’ चित्रपटात केलेल्या अभिनयाचे कौतुक झाले होते. शाहिद कपूरसोबतच्या ‘जर्सी’ चित्रपटानंतर बॉलिवूडमध्ये तिला खरी ओळख मिळाली. तर हनु राघवपुडी यांच्या ‘सीता रामम’मध्ये दुलकर सलमानसोबत तिने तेलगू चित्रपटात काम केले. मी नेहमीच वेगवेगळय़ा भूमिका करण्यासाठी उत्सुक असते. ‘पूजा मेरी जान’ चित्रपटात वेगळी भूमिका करण्याची संधी मिळाल्याचे मृणालने म्हटले आहे. परस्परांपेक्षा खूपच वेगळय़ा असणाऱया भूमिका मला आवडतात. ‘पूजा मेरी जान’ चित्रपटातून लोकांना माझ्या अभिनय क्षमतेचा नवा पैलू दिसून येणार असल्याचा दावा मृणालने केला आहे. या चित्रपटात मृणालसोबत अभिनेत्री हुमा कुरैशी अन् विजय राज हे कलाकार दिसून येतील. दिनेश विजान यांच्या मॅडॉक फिल्म्सकडून याची निर्मिती करण्यात येणार आहे.