नोलनच्या आगामी चित्रपटात लुपिता न्योंगो

पहिल्यांदा एकत्र करणार काम

ओपनेहायमर यासारखा ब्लॉकबस्टर चित्रपट साकारण्यासाठी जगभरातून कौतुकाचा धनी ठरलेला क्रिस्टोफर नोलन स्वत:च्या आगामी प्रोजेक्टकरता सरसावला आहे. नोलनच्या नव्या चित्रपटात ऑस्कर विजती अभिनेत्री लुपिता न्योंगो सामील झाली आहे. या चित्रपटावरून अत्यंत गोपनीयता बाळगली जात आहे.

मॅट डेमन, टॉम हॉलंड, जैंडेया आणि ऐनी हॅथवे देखील या चित्रपटात मुख्य भूमिकेत असणार आहे. क्रिस्टोफर नोलन हे स्वत:च्या चाहत्यांना एका मोठ्या प्रोजेक्टची भेट देणार आहेत. हा चित्रपट 17 जुलै 2026 रोजी प्रदर्शित होणार आहे.

या चित्रपटाचे चित्रिकरण पुढील वर्षी सुरू होणार आहे. याच्या कहाणीबद्दल अद्याप खुलासा करण्यात आलेला नाही. नोलन हे युनिव्हर्सल पिक्चर्ससाठी कहाणी लिहिणार असून तेच दिग्दर्शन करणार आहेत. नोलनला ओपेनहायमर या चित्रपटासाठी ऑस्कर मिळाला होता. ऑस्करसोबत या चित्रपटाने एकूण 7 अकॅडमी पुरस्कार नावावर केले होते.