मोहमदगौस मुबारक याची राज्य फुटबॉल संघात निवड

खानापूर : स्वामी विवेकानंद इंग्रजी माध्यम शाळेचा विद्यार्थी मोहमदगौस मुबारक याची 14 वर्षाखालील कर्नाटक राज्य फुटबॉल संघात निवड झाली आहे. राष्ट्रीय स्तरावरील फुटबॉल स्पर्धा उमरीया, मध्यप्रदेश येथे दि. 1 ते 6 डिसेंबर या कालावधीत होणार आहेत. कर्नाटक राज्य फुटबॉल संघात तालुक्यातून मुबारक याची निवड झाल्याने त्याचे अभिंनदन होत आहे. स्वामी विवेकानंद शाळेच्यावतीने त्याचा गौरव करून त्याला शुभेच्छा देण्यात आल्या. यावेळी संस्थेचे चेअरमन चेतन मणेरीकर, संचालक गोविंद शहापूरकर, अरविंद कुलकर्णी, मुख्याध्यापक आणि क्रीडाशिक्षक उपस्थित होते.