आमदार राजू सेठ यांचे कार्य प्रेरणादायी

हाजी मैनुद्दीन मुल्ला यांचे प्रतिपादन : बेळगावात आमदार सेठ यांचा वाढदिवस उत्साहात

प्रतिनिधी/ बेळगाव

कोणतेही संविधानिक पद नसताना राजू सेठ यांनी जे सामाजिक कार्य केले त्याला तोड नाही. कोरोना काळात बेळगाव शहरासह जिह्याने त्यांची नि:स्वार्थी सेवा पाहिली. त्याचीच पोहोच म्हणून विधानसभा निवडणुकीत त्यांना आमदारकीची माळ बेळगाव उत्तर मतदारसंघातील जनतेने घातली. आमदार राजू सेठ यांचे कार्य सर्वांनाच प्रेरणादायी आहे, असे प्रतिपादन हाजी मैनुद्दीन मुल्ला यांनी केले.

बेळगाव जिल्हा अंजुमन कमिटी अध्यक्ष व बेळगाव उत्तरचे आमदार राजू सेठ यांचा वाढदिवस उत्साहात साजरा झाला. वाढदिवसानिमित्त निपाणीतील एकता फाउंडेशन यांच्यासह मुस्लीम समाजातर्फे आमदार सेठ यांचा सत्कार करण्यात आला. याप्रसंगी ते बोलत होते. आमदार राजू शेठ यांचा शाल, हार आणि बुके देऊन सत्कार करण्यात आला.

यावेळी समीउल्ला माडीवाले, शेरगुलखान पठाण, बख्तीयार कोल्हापुरे, विकास चव्हाण, अल्लाबक्ष बागवान, अब्दुल मुक्केरी, कुतुबुद्दीन वाटारी, फरहान मुल्ला यांच्यासह कार्यकर्ते, सेठप्रेमी नागरिक उपस्थित होते.