‘मिर्झापूर’ चित्रपटाची घोषणा

कालीन-गुड्डूला भिडणार मुन्ना

ओटीटी प्लॅटफॉर्मवर सर्वात गाजलेली वेबसीरिज मिर्झापूरच्या चौथ्या सीझनची प्रतीक्षा केली जात आहे. चालू वर्षात तिसऱ्या सीझनने मोठा धुमाकूळ घातला होता, परंतु त्याचबरोबर मुन्ना भैयाच्या कमतरतेने प्रेक्षक नाराज झाले होते. पण आता निर्मात्यांनी चाहत्यांना मोठा सुखद धक्का दिला आहे.

मिर्झापूर यावेळी चित्रपटगृहांमध्ये प्रदर्शित होणार आहे. एक्सेल एंटरटेन्मेंट आणि अमेझॉन एमजीएम स्टुडिओने मिर्झापूर द फिल्मची घोषणा केली आहे. या चित्रपटात मुन्ना भैयाची देखील एंट्री झाली आहे. चित्रपटात मुन्ना भैयासोबत कपाउंडर (अभिषेक बॅनर्जी) देखील दिसून येणार आहे.

यावेळी सिंहासनासाठी कालीन भैया (पंकज त्रिपाठी), गुड्डू पंडित (अली फजल) आणि मुन्ना भैया (दिव्येंदु शर्मा) यांच्यात महायुद्ध होणार आहे. चित्रपटात मुन्ना भैया असल्याने चाहत्यांची इच्छा पूर्ण होणार आहे. या चित्रपटाचे दिग्दर्शन गुरमीत सिंह करत आहेत. हा चित्रपट 2026 मध्ये प्रदर्शित होणार आहे.