मंत्री श्रीपाद नाईक यांच्या प्रकृतीत सुधारणा

पणजी : उत्तर गोव्यातील खासदार आणि केंद्रीय उर्जा राज्यमंत्री श्रीपाद नाईक यांना गोवा वैद्यकीय इस्पितळात (गोमेकॉ) बांबोळी येथे दाखल करण्यात आले असून त्यांची प्रकृती स्थिर असल्याचे सांगण्यात आले. छातीत व पोटात दुखत असल्याची त्यांची तक्रार होती म्हणून त्यांना हॉस्पिटलात नेण्यात आले. तेथे त्यांच्यावर उपचार चालू असून त्यांना डॉक्टरांच्या निरीक्षणाखाली ठेवण्यात आले आहे. त्यांच्या विविध तपासण्या चालू असून प्रकृती सुधारत असल्याचे सूत्रांनी नमूद केले. त्यांच्यावर छोटीसी शस्त्रक्रिया होण्याची शक्यता डॉक्टरांनी व्यक्त केली आहे.