मेघालयाला 72 धावांची आघाडी

वृत्तसंस्था/औरंगाबाद

2024 च्या रणजी क्रिकेट स्पर्धेतील येथे इलाईट अ गटातील येथे सुरू असलेल्या सामन्यात सोमवारी खेळाच्या तिसऱ्या दिवसाअखेर मेघालयने 72 धावांची आघाडी मिळविली आहे.

या सामन्यात मेघालयने पहिल्या डावात 276 धावा जमविल्या. भालचंद्र अनिरुद्धने 18 चौकार आणि 2 षटकारासह 142 धावा झळकविल्या. महाराष्ट्रातर्फे मुकेश चौधरीने 4 तर गुरबानीने 44 धावांत 3 गडी बाद केले. त्यानंतर महाराष्ट्राचा पहिला डाव 361 धावांत आटोपला. महाराष्ट्राच्या डावात हर्षल काटेने 210 चेंडूत 18 चौकारांसह 128, अझिम काझीने 7 चौकारांसह 66, मंदार भंडारीने 12 चौकारांसह 73 धावा जमविल्या. मेघालयाच्या आकाश चौधरीने 76 धावांत 4 गडी बाद केले. महाराष्ट्राने मेघालयावर 85 धावांची आघाडी मिळविली. त्यानंतर मेघालयाने दुसऱ्या डावात 8 बाद 157 धावा जमविल्या. महाराष्ट्राच्या मुकेश चौधरीने 3 तर प्रदीप दधेने 2 गडी बाद केले.

संक्षिप्त धावफलक: मेघालय प. डाव 276, महाराष्ट्र प. डाव 361 (हर्षल काटे 128, काझी 66, भंडारी 73), मेघालय दु. डाव 8 बाद 157.