मारुती सुझुकीचा नफा 17 टक्क्यांनी घटला

आर्थिक वर्षात 3069 कोटीचा नफा : समभाग घसरले

मुंबई :

मारुती सुझुकीने आर्थिक वर्ष 2024-25 च्या दुसऱ्या तिमाहीत (जुलै-सप्टेंबर) 3,069 कोटी रुपयांचा स्वतंत्र निव्वळ नफा नोंदवला आहे. तो वर्षाच्या आधारावर 17 टक्क्यांनी कमी आहे. वर्षभरापूर्वी जुलै-सप्टेंबर या तिमाहीत कंपनीला 3717 कोटी रुपयांचा नफा झाला होता. जुलै-सप्टेंबर तिमाहीत कंपनीचा कामकाजी महसूल 37,203 कोटी रुपये होता. जुलै-सप्टेंबर 2023 मध्ये कंपनीने 37,062 कोटी रुपयांची कमाई केली होती. वार्षिक आधारावर, त्यात किरकोळ 0.37 टक्क्यांची वाढ झाली.

मारुती सुझुकीचे शेअर्स 6 टक्क्यांनी घसरले

याचदरम्यान मारुती सुझुकीचे समभाग मंगळवारी दुपारी 1:55 वाजता तिमाही निकालानंतर सुमारे 6 टक्क्यांनी घसरले. सहा महिन्यांत मारुतीचा समभाग 17.95 टक्के आणि 14.40 टक्के खाली आला आहे. कंपनीच्या शेअर्समध्ये गेल्या एका वर्षात 4.47 टक्के आणि 1 जानेवारीपासून या वर्षी 5.63 टक्के वाढ झाली आहे. कंपनीचे बाजार भांडवल मूल्य 3.42 लाख कोटी रुपये आहे. त्रैमासिक निकालानंतर मंगळवार दुपारी 1:55 वाजता मारुती सुझुकीचे शेअर्स सुमारे 6 टक्क्यांनी खाली होते.

सुझुकी मोटर गुजरातचे विलीनीकरण

मारुती सुझुकी इंडियाच्या मारुती सुझुकी बोर्डाने सुझुकी मोटर गुजरात प्रायव्हेट लिमिटेडच्या विलीनीकरणास त्रैमासिक निकालांसह मान्यता दिली आहे. गेल्या वर्षी सुझुकी मोटर इंडियाने सुझुकी मोटर गुजरात प्रायव्हेट लिमिटेड (एसएमजी) विकत घेतली. त्यानंतर ती मारुती सुझुकी इंडियाची 100 टक्के उपकंपनी बनली. सुझुकी मोटर गुजरात हा सुझुकी मोटर इंडियाचा ऑटोमोटिव्ह उत्पादन कारखाना आहे.

सुझुकीचा ऑटोमोटिव्ह कारखाना

1981 मध्ये मारुती भारत सरकारच्या मालकीची होती. मारुती सुझुकीची स्थापना 24 फेब्रुवारी 1981 रोजी भारत सरकारच्या मालकीखाली मारुती इंडस्ट्रीज लिमिटेड म्हणून करण्यात आली. 1982 मध्ये, कंपनीने जपानच्या सुझुकी कॉर्पोरेशनसोबत ‘मारुती सुझुकी इंडिया लिमिटेड’ हा संयुक्त उपक्रम स्थापन केला.