गुड फ्रायडेच्या पूर्व संध्येला बाजाराची उसळी
सेन्सेक्स 1509 अंकांनी वधारला : बँकांचे समभाग चमकल
मुंबई : भारतीय भांडवली बाजारात चालू आठवड्यातील गुरुवारच्या सत्रात स्थानिक शेअर बाजार जोरदार वाढीसह बंद झाले, कारण टॅरिफच्या चिंतेमुळे अमेरिकन शेअर बाजारात मंदीचे वातावरण होते. सुरुवातीला बाजार घसरल्यानंतर, व्यवहारात दुसऱ्या सत्रात बाजारात सकारात्मक सुधारणा झाल्याचे दिसून आले. यामुळे बीएसई सेन्सेक्स 1500 अंकांनी उसळला, तर निफ्टीही 400 अंकांच्या पुढे राहिला होता. दिग्गज कंपन्यांच्या मदतीने बीएसई सेन्सेक्स गुरुवारी 76,968.02 वर उघडला. मात्र अंतिम क्षणी बीएसई सेन्सेक्स 1508.91 अंकांनी वधारुन निर्देशांक 1.96 टक्क्यांच्या मजबूत वाढीसह 78,553.20 वर बंद झाला. त्याचप्रमाणे, राष्ट्रीय शेअर बाजाराचा एनएसई निफ्टी देखील घसरला. अंतिमक्षणी तो 414.45 अंकांनी वाढून 23,851.65 वर बंद झाला. दरम्यान बँकिंग निर्देशांकात मजबूत आधारावर राहिल्याने बाजाराला बळ मिळाले आहे.
बाजारात वाढ होण्याची प्रमुख कारणे
- मागील काही महिन्यांत बाजारात सतत घसरण झाल्यामुळे समभागांमध्ये जास्त विक्री झाली असे बाजार विश्लेषकांचे मत आहे.
- गेल्या दोन व्यापार सत्रांमध्ये विदेशी संस्थात्मक गुंतवणूकदारांनी रोख बाजारात मोठी खरेदी केली आहे. गेल्या दोन दिवसांत त्यांनी 10,000 कोटी रुपयांचे समभाग खरेदी केले आहेत.
- अमेरिकेचे अध्यक्ष डोनाल्ड ट्रम्प यांनी चीनमधून आयातीवर 245 टक्के पर्यंत शुल्क लादण्याची धमकी दिली आहे. चीनने अमेरिकन वस्तूंवर 84 टक्के पर्यंत शुल्क लादल्यानंतर हे पाऊल उचलण्यात आले आहे. दोन्ही देशांमधील व्यापार आघाडीवर प्रतिशोधात्मक कारवाई सुरू आहे. ट्रम्प यांनी अनेक देशांवर अतिरिक्त शुल्क जाहीर केल्यानंतर ते 90 दिवसांसाठी स्थगित केले होते. तर अमेरिका-चीन व्यापार युद्धाचा फायदा भारतीय कंपन्यांना होऊ शकतो.
जागतिक बाजारपेठेतून कोणते संकेत मिळत आहेत?
बुधवारी अमेरिकेच्या शेअर बाजारांमध्ये मोठी घसरण झाली, ज्याचा परिणाम आशियाई बाजारांवर आणि भारतावरही दिसून येतो. टेक समभागांमधील विक्रीमुळे अमेरिकेतील प्रमुख निर्देशांक प्रभावीत होत बंद झाले. विशेषत:, एनव्हीडिया (एनव्हीडिया)चे समभागांमध्ये मोठी घसरण झाली. त्याच वेळी, यूएस फेडरल रिझर्व्हचे अध्यक्ष जेरोम पॉवेल यांनी व्यापार शुल्काबद्दल चिंता व्यक्त केली आहे आणि म्हटले आहे की महागाई नियंत्रित करताना आर्थिक वाढ राखणे आव्हानात्मक असू शकते.
आशियाई बाजारात संमिश्र कल दिसून येत आहे. जपानचा निक्केई 225 निर्देशांक 0.7 टक्के, दक्षिण कोरियाचा कोस्पी 0.45 टक्के आणि ऑस्ट्रेलियाचा एस अँड पी/एएसएक्स 200 निर्देशांक 0.28 टक्के वधारला. हाँगकाँगचा हँग सेन्ग निर्देशांक 0.42 टक्के वधारला, तर चीनचा सीएसआय 300 निर्देशांक 0.19 टक्के घसरला. विविध क्षेत्रांमध्ये आघाडीवर, वाहन, औषध आणि आरोग्यसेवा वगळता निफ्टी तेजीसह बंद झाले. निफ्टी पीएसयू बँक निर्देशांकात सर्वात जास्त वाढ दिसून आली, ज्याने 2.37 टक्के पर्यंत वाढ नोंदवण्यात आली आहे.
समभाग वधारलेल्या कंपन्या
- इटर्नल 231
- आयसीआयसीआय बँक 1406
- भारती एअरटेल 1889
- सनफार्मा 1751
- बजाज फिनसर्व्ह 2035
- एसबीआय 797
- कोटक महिंद्रा 2188
- रिलायन्स 1274
- एसबीआय लाइफ 1608
- अॅक्सिस बँक 1190
- श्रीराम फायनान्स 691
- अदानी पोर्टस् 1259
- ग्रासिम 2760
- ट्रेंट 5130
- जियो फायनॅन्शीयल 246
- महिंद्रा आणि महिंद्रा 2679
- टायटन 3327
- एचडीएफसी बँक 1906
- अल्ट्राटेक सिमेंट 11901
- नेस्ले 2416
- एनटीपीसी 364
- सिप्ला 1515
- बजाज फायनान्स 9162
- आयशर मोटर्स 5678
- पॉवरग्रिड कॉर्प 309
- अपोलो हॉस्पिटल 7073
- ओएनजीसी 243
- टाटा मोटर्स 621
- इंडसइंड बँक 794
- टीसीएस 3298
- बजाज ऑटो 8018
- आयटीसी 427
- लार्सन टुब्रो 3247
- एचडीएफसी लाइफ 720
- भारत इले. 295
- इन्फोसिस 1419
- डॉ. रे•िज लॅब्ज 1163
- एचसीएल टेक 1438
- एचयुएल 2375
- एशियन पेंटस् 2467
- मारुती सुझुकी 11695
- टाटा स्टील 137
- अदानी एंटरप्रायझेस 2418