For the best experience, open
https://m.tarunbharat.com
on your mobile browser.

6 कंपन्यांच्या बाजार भांडवलात 1.71 लाख कोटींची घसरण

06:32 AM Jan 21, 2025 IST | Tarun Bharat Portal
6 कंपन्यांच्या बाजार भांडवलात 1 71 लाख कोटींची घसरण
Advertisement

इन्फोसिस, टीसीएस आघाडीवर : रिलायन्सचे मूल्य वाढले, सेन्सक्स 759 अंकांनी होता घसरला

Advertisement

वृत्तसंस्था/ मुंबई

आघाडीवरच्या दहापैकी सहा कंपन्यांचे बाजार भांडवल मूल्य मागच्या आठवड्यात 1 लाख 71 हजार कोटी रुपयांनी घटले होते. यामध्ये आयटी क्षेत्रातील दिग्गज कंपनी इन्फोसिस आणि टाटा कन्सल्टन्सी सर्व्हिसेस यांच्या भांडवलात मोठ्या प्रमाणात घसरण अनुभवायला मिळाली.

Advertisement

मागच्या आठवड्यात बीएसई सेंसेक्स निर्देशांक 759 अंकांनी घसरत बंद झाला होता. याचबरोबर राष्ट्रीय शेअर बाजाराचा निफ्टी निर्देशांकसुद्धा 228 अंकांनी घसरणीत राहिला होता. आघाडीवरच्या दहा पैकी टीसीएस, एचडीएफसी बँक, आयसीआयसीआय बँक, इन्फोसिस, हिंदुस्थान युनिलिव्हर आणि आयटीसी यांचे बाजार भांडवल मूल्य मोठ्या प्रमाणात कमी झालेले पाहायला मिळाले तर दुसरीकडे रिलायन्स इंडस्ट्रीज, भारती एअरटेल, स्टेट बँक ऑफ इंडिया आणि लाइफ इन्शुरन्स कॉर्पोरेशन ऑफ इंडिया यांचे बाजार भांडवल मूल्य मात्र मागच्या आठवड्यात वाढलेले पाहायला मिळाले.

यांच्या भांडवलात घसरण

आयटी क्षेत्रातील दिग्गज कंपनी इन्फोसिसचे बाजार भांडवल मूल्य 62 हजार 948 कोटींनी कमी 7 लाख 53 हजार 678 कोटी रुपयांवर घसरले होते. इन्फोसिसचा समभाग शुक्रवारी जवळपास 6 टक्के इतका घसरलेला पाहायला मिळाला. तिसऱ्या तिमाहीमध्ये कंपनीने नफा मिळवूनही त्याचा परिणाम समभागाच्या कामगिरीवर नकारात्मक पाहायला मिळाला.

दुसरीकडे टीसीएसचे बाजार भांडवल मूल्य 50 हजार 598 कोटी रुपयांनी कमी होत 14 लाख 92 हजार 714 कोटी रुपयांवर घसरले होते. हिंदुस्थान युनिलिव्हर्सचे बाजार भांडवल मूल्य 20605 कोटींनी कमी होत 5 लाख 53 हजार 152 कोटी रुपयांवर तर आयसीआयसीआय बँकेचे बाजार भांडवल मूल्य 16 हजार 5 कोटींनी घटत 8,65,495 कोटी रुपयांवर स्थिरावले होते.

यांचे भांडवल वाढले

रिलायन्स इंडस्ट्रीजचे बाजार भांडवल मूल्य मात्र 79 हजार 773 कोटी रुपयांनी वाढत 17 लाख 60 हजार 967 कोटी रुपयांवर पोहोचले होते तर स्टेट बँक ऑफ इंडियाचे बाजार भांडवल मूल्य 18,697 कोटी रुपयांनी वाढले होते.

पोको एक्स-7 भारतात लाँच

नवी दिल्ली : पोको या कंपनीने आपला नवा पोको एक्स-7 5जी स्मार्टफोन नुकताच लाँच केला आहे. भारतातील तमाम ग्राहकांसाठी सदरचा स्मार्टफोन खरेदीसाठी उपलब्ध असणार असून फ्लिपकार्टसह इतर माध्यमांवर हा स्मार्टफोन खरेदी करता येणार आहे. सदरच्या स्मार्टफोनची किंमत 20 हजारांच्या घरात असणार आहे. पहिल्यादिवशी खरेदी करणाऱ्या ग्राहकांना 2 हजार रुपयांची सवलत मिळणार आहे. मीडीयाटेक डायमेनसिटी 7300 अल्ट्राचिपसेट यामध्ये देण्यात आली असून 1.5 के अमोलेड थ्रीडी कर्व्हर्ड डिस्प्ले दिला गेला आहे. पाणी आणि धुळरोधक असा हा फोन असणार असून 5500 एमएएच क्षमतेची बॅटरी असेल. 45 डब्ल्युचा हायपर चार्जर देण्यात आला असून यायोगे फोन त्वरेने रिचार्ज करता येईल.

Advertisement
Tags :

.