मॅरिकोचा तिमाही निव्वळ नफा 320 कोटींवर

वार्षिक आधारावर 4.92 टक्क्यांनी वाढ : भागधारकांना देणार 9.50 लाभांश

मुंबई :

ग्राहक उत्पादने कंपनी मॅरिको लिमिटेडने आर्थिक वर्ष 2023-24 च्या चौथ्या तिमाहीचे (जानेवारी-मार्च) निकाल जाहीर केले आहेत. जानेवारी-मार्च तिमाहीत कंपनीचा एकत्रित निव्वळ नफा वार्षिक 4.92 टक्क्यांनी वाढून 320 कोटी झाला आहे. मॅरिकोने एका वर्षापूर्वी याच तिमाहीत 305 कोटींचा नफा कमावला होता. तिमाही आधारावर पाहिल्यास, ऑक्टोबर-डिसेंबरच्या तुलनेत जानेवारी-मार्चमध्ये कंपनीच्या नफ्यात 17.09 टक्क्यांनी घट झाली आहे.

कंपनी प्रति शेअर 9.50 लाभांश देईल

निकालांसोबतच, कंपनीने गुंतवणूकदारांना प्रति शेअर 9.50 चा लाभांश जाहीर केला आहे. कंपन्या नफ्यातील काही भाग त्यांच्या भागधारकांना देतात, त्याला लाभांश म्हणतात. कंपनीचा महसूल 5.74 टक्केने घसरून 2,806 कोटी रुपयांवर घसरला आहे.

आर्थिक वर्षाची तुलना करता, कंपनीचा एकत्रित महसूल (उत्पन्न) वार्षिक आधारावर 1.14 टक्क्यांनी घटून 2023-24 मध्ये 9,653 कोटी रुपये झाला. गेल्या आर्थिक वर्षात म्हणजेच 2022-23 मध्ये तो 9,764 कोटी होता. तथापि, गेल्या आर्थिक वर्षाच्या तुलनेत कंपनीचा नफा 13.61 टक्क्यांनी वाढून 1,502 कोटी रुपये झाला आहे.