मराठी विद्यानिकेतन खो-खो संघ विजेता

बेळगाव : सार्वजनिक शिक्षण खाते आयोजित जिल्हास्तरीय खो-खो स्पर्धा आंबेवाडी येथे 1 ऑक्टोबर रोजी संपन्न झाल्या. या स्पर्धेत माध्यमिक विभागाच्या मुलींच्या संघाचा सहभाग होता. पहिल्या फेरीत सौंदत्ती विरुद्ध सामन्यात एकतर्फी विजय मिळवला. त्यानंतर उपांत्य फेरीत खानापूर विरुद्ध 10-6 अशा गुणांनी विजय पटकावत अंतिम सामन्यात प्रवेश मिळाविला. अंतिम सामना बेळगाव शहर विरुद्ध बेळगाव ग्रामीण यांच्यामध्ये खूप अटीतटीचा झाला. यामध्ये बेळगाव शहर म्हणजेच मराठी विद्यानिकेतन शाळेच्या संघाने 10-8 गुणांनी बेळगाव ग्रामीण विरुद्ध विजेतेपद पटकाविले. मुलींच्या खो-खो संघाची विभागीय स्तरावर होणाऱ्या खो-खो स्पर्धेसाठी निवड झालेली आहे. या संघाला श्रीधर बेन्नाळकर प्रशिक्षण तर क्रिडा शिक्षक महेश हागिदले दत्ता पाटील व पूजा संताजी यांचे मार्गदर्शन तसेच शाळेचे मुख्याध्यापक नारायण उडकेकर गजानन सावंत शिक्षण संयोजक निला आपटे सर्व शिक्षक व शिक्षकेतर कर्मचारी यांचे प्रोत्साहन मिळत आहे.