मनिका बात्रा पराभूत

माँटेपिलर (फ्रान्स): येथे सुरु असलेल्या विश्व टेबल टेनिस चॅम्पियनशिप स्पर्धेत भारताच्या मनिका बात्राचे आव्हान उपांत्यपूर्व फेरीत संपुष्टात आले. चीनच्या क्वियान तियानीने मनिकाचा पराभव करत महिला एकेरीची उपांत्य फेरी गाठली. उपांत्यपूर्व फेरीच्या सामन्यात तियानीने बात्राचा 11-8, 11-8, 12-10 असा 25 मिनिटांच्या कालावधीत पराभव केला. या स्पर्धेत महिला एकेरीची उपांत्यपूर्व गाठणारी मनिका बात्रा ही भारताची पहिली महिला टेबल टेनिसपटू आहे. या स्पर्धेत सहभागी झालेल्या भारताच्या श्रीजा अकुलाचे आव्हान पहिल्याच फेरीत संपुष्टात आले.