मंडोळी हायस्कूलला सर्वसाधारण विजेतेपद

क्रीडा प्रतिनिधी/बेळगाव

सार्वजनिक शिक्षण खाते व क्रीडा विभागातर्फे घेण्यात आलेल्या हिंडलगा केंद्र पातळीवरील क्रीडा स्पर्धा शिवराज हायस्कूल बेनकनहळ्ळी येथे पार पडलेल्या या स्पर्धेमध्ये द.म.शिक्षण मंडळ संचलित मंडोळी हायस्कूलने सलग 19 वेळा सर्वसाधारण विजेतेपद पटकाविले.

वैयक्तिक खेळ मुली- ऋतुजा साळवी-थाळीफेक, गोळा फेक, भालाफेक प्रथम,  मनाली हिंडलगेकर थाळीफेक, गोळाफेक द्वितीय, भालाफेक तृतिय, ममता फगरे 400 मी. हर्डल्स प्रथम, तिहेरीउडी प्रथम, लांबउडी द्वितीय, सुचित्रा कांबळे लांबउडी प्रथम, तिहेरीउडी द्वितीय, 100 मी. अडथळा शर्यत द्वितीय, सानिका फगरे साखळी गोळा प्रथम, स्नेहा सुतार साखळी गोळा- द्वितीय, मनश्री फगरे 3 कि.मी. चालणे प्रथम, 400 मी. अडथळा द्वितीय, उंचीउडी तृतिय, मधुरा शहापूरकर 3 कि.मी. चालणे द्वितीय, 4×400 रिले आणि 4×400 रिले द्वितीय. सांघिक खेळ मुली-थ्रो बॉल प्रथम क्रमांक पटकाविला.

वैयक्तिक खेळ मुले: मनीष दळवी 1500 मी. धावणे, 3000 मी. धावणे, भालाफेक प्रथम, प्रथम पाटील साखळी गोळा प्रथम, स्वयंम दळवी 200 मी. धावणे प्रथम, लांबउडी द्वितीय, तिहेरीउडी द्वितीय, समर्थ साळवी 400 मी. अडथळा द्वितीय, साईराज पाटील उंच उडी प्रथम, अक्षय पाटील 5 कि.मी. चालणे प्रथम, विकी मोरे साखळी गोळा द्वितीय, जयेश दळवी 800 मी. धावणे द्वितीय. सांघिकमध्ये मुलांनी थ्रो बॉल प्रथम, खो खो द्वितीय तर व्हॉलीबॉल द्वितीय क्रमांक पटकाविला.

वैयक्तिक जनरल चॅम्पियनशिप मुलींमध्ये ऋतुजा साळवी,मुलांमध्ये मनीष दळवी

14 वर्षांखालील मुले सक्षम पाटील उंच उडी द्वितीय, 100 मी. धावणे द्वितीय, 80 मी. अडथळा प्रथम, पार्थ कणबरकर गोळाफेक प्रथम, थळीफेक द्वितीय, प्रणव दळवी लांब उडी तृतिय, 80 मी. अडथळा तृतिय, 14 वर्षांखालील मुले सांघिक थ्रोबॉल प्रथम क्रमांक, 14 वर्षांखालील मुलींमध्ये स्नेहल पाटील लांबउडी प्रथम, 80 मी. अडथळा प्रथम क्रमांक मिळविला.

या स्पर्धकांना मुख्याध्यापक जी. पी. मिसाळे, क्रीडा शिक्षक एस. एन. बेळगुंदकर यांचे मार्गदर्शन व प्रोत्साहन लाभत आहे.