महिला विद्यालयाच्या खेळाडूंचे यश

बेळगाव : महिला विद्यालय इंग्लिश मीडियम स्कूलच्या विद्यार्थ्यांनी विविध राज्यस्तरीय स्पर्धेत घवघवीत यश मिळविले आहे. हुबळी येथे झालेल्या वेटलिफ्टींग स्पर्धेत सानवी यालजीने 63 गटात रौप्य तर बेंगळूर येथे घेण्यात आलेल्या मिनी ऑलिंम्पिक वेटलिफ्टींग स्पर्धेत सुवर्णपदक पटकाविले आहे. रोलर स्केटिंग स्पर्धेत जानवी तेंडुलकरने 3000 मी.रौप्य तर 500 मी.कांस्यपदक पटकाविले.म्हैसूर येथे झालेल्या जलतरण स्पर्धेत समीक्षा घसारीने 200 मी. बटरफ्लायत सुवर्णपदक मिळविले असून तिची राष्ट्रीय स्पर्धेसाठी निवड झाली आहे.