तिसरी महाराष्ट्र राज्य ट्रॅक सायकलिंग अजिंक्य स्पर्धा आजपासून रंगणार

प्रतिनिधी/ पुणे

सायकलिंग असोसिएशन ऑफ महाराष्ट्र आणि क्रीडा सायकलिस्ट असोसिएशन यांच्या वतीने आयोजित तिसरी महाराष्ट्र राज्य ट्रॅक सायकलिंग स्पर्धा आज (19 ऑक्टोबर) पासून म्हाळुंगे बालेवाडी येथील श्री शिवछत्रपती क्रीडा संकुलामधील सायकलिंग रोडवर होत आहे. महाराष्ट्रातील एकूण दोनशे सायकल पटू या स्पर्धेत सहभागी झाले असून या स्पर्धेमधून चेन्नई येथे होणाऱ्या राष्ट्रीय स्पर्धेसाठी महाराष्ट्र संघ निवडण्यात येणार आहे. या स्पर्धेसाठी मुख्य पंच म्हणून सुदाम रोकडे यांची सायकलिंग फेडरेशन ऑफ इंडियाच्या वतीने नेमणूक करण्यात आली असल्याची माहिती स्पर्धा संचालिका श्रीमती दिपाली पाटील यांनी दिली.

स्पर्धेचे उद्घाटन सकाळी सात वाजता सोलापूर जिल्हा सायकलिंग असोसिएशनचे अध्यक्ष प्रतापराव कांचन यांच्या हस्ते होणार आहे. याप्रसंगी सायकलिंग फेडरेशन ऑफ इंडियाचे उपाध्यक्ष प्रताप जाधव, महाराष्ट्राचे सचिव प्राध्यापक संजय साठे आदी मान्यवर हजर राहणार आहेत. तसेच, हि स्पर्धा 14 वर्षे, 16 वर्ष,  18 वर्षे आणि खुल्या वयोगटात मुले मुली आणि पुरुष महिला गटात होणार आहे. स्पर्धेसाठी पंच म्हणून शिवछत्रपती पारितोषिक सन्मानित मिलिंद झोडगे, उत्तम नाळे, मीनाक्षी शिंदे आदी मान्यवर हजर राहणार आहेत.