महाराष्ट्र, झारखंड विजयी

वृत्तसंस्था/ चेन्नई

हॉकी इंडियाच्या येथे सुरु असलेल्या 14 व्या वरिष्ठ पुरुषांच्या राष्ट्रीय हॉकी चॅम्पियनशिप स्पर्धेत रविवारी सातव्या दिवशी झारखंड आणि महाराष्ट्र पुरुष संघांनी शानदार विजय नोंदविले.

ग गटातील झालेल्या सामन्यात झारखंडने गुजरातचा 18-2 अशा गोलफरकाने दणदणीत पराभव केला. तर महाराष्ट्राने गोवा संघाचे आव्हान 5-0 असे एकतर्फी संपुष्टात आणले. ओडीशा संघाने इ गटातील सामन्यात अरुणाचल प्रदेशचा 9-0 असा फडशा पाडला. पुडुचेरी संघाने राजस्थान संघाचे आव्हान 13-2 असे संपविले.