‘अधीरष्टसाली’मध्ये माधवन

चित्रपटात दुहेरी भूमिकेत अभिनेता

आर. माधवनने स्वत:चा आगामी चित्रपट ‘अधीरष्टसाली’चा फर्स्ट लुक पोस्टर जारी केला आहे. या चित्रपटाचे दिग्दशंन मिथ्रान आर. जवाहर यांनी केले आहे. माधवन या चित्रपटाद्वारे तमिळ चित्रपटसृष्टीत पुनरागमन करत आहे. या चित्रपटात अभिनेता दुहेरी भूमिकेत असणार आहे.

पोस्टरमध्ये स्प्लिट डिझाइन असून यात माधवन दोन्ही बाजूला वेगवेगळ्या लुक आणि सेटिंगसोबत दिसून येत आहे. एका बाजूला स्टायलिश अवतारात आणि शहरी पार्श्वभूमीत दिसून येतो. तर दुसरीकडे रफ अन् कॅज्युअल लुकमध्ये अभिनेत्याला दाखविण्यात आला आहे.

माधवनने या चित्रपटाचे चित्रिकरण पूर्ण केले आहे. अधीरष्टासाली हा माधवन आणि मिथ्रान यांची जोडी असलेला पहिलाच चित्रपट आहे. या चित्रपटाची पटकथा जयमोहन आणि अरविंद कमलानाथन यांनी लिहिली आहे. तसेच कार्तिक मुथुकुमार यांनी याच्या सिनेमॅटोग्राफीची जबाबदारी सांभाळली आहे. चित्रपटात राधिका सरथकुमार, साई धनशिका, मॅडोना सेबेस्टियन, शर्मिला मंड्रे आणि अन्य कलाकार दिसून येणार आहेत.