लोकमान्यची 100 वी शाखा पुणे येथे लोकमान्य टिळक यांच्या वाड्यात सुरू

बेळगाव : लोकमान्य मल्टिपर्पज को-ऑप. सोसायटीची गरुड भरारी सुरूच आहे. 30 वर्षांपूर्वी सुरू झालेल्या या सोसायटीची 100 वी शाखा पुणे येथे लोकमान्य टिळक यांच्या वाड्यात सुरू झाली. त्यावेळी तत्कालीन गृह  राज्यमंत्री (कै.) आर. आर. पाटील ऊर्फ आबा यांच्या हस्ते या शाखेचे उद्घाटन करण्यात आले. सोसायटीने आता 10 हजार कोटींचा टप्पा पूर्ण केला आहे. यानिमित्त आयोजित कार्यक्रमाचे निमंत्रण आबांचे चिरंजीव आमदार रोहित पाटील यांना सोसायटीचे संचालक गजानन धामणेकर यांनी तासगाव येथे त्यांची भेट घेऊन दिले. चेअरमन डॉ. किरण ठाकुर यांना तासगाव येथेसुद्धा शाखा सुरू करावी, असे आर. आर. पाटील यांनी सांगितले होते. त्याचा उल्लेख रोहित पाटील यांनी केला व कार्यक्रमाला येत असल्याचे स्पष्ट केले.