‘तेरे इश्क में’मध्ये क्रीति सेनॉन

बॉलिवूड अभिनेत्री क्रीति सेनॉन आता दक्षिणेतील सुपरस्टार धनुषसोबत ‘तेरे इश्क में’ या चित्रपटात दिसून येणार आहे. आनंद एल. राय यांच्याकडून दिग्दर्शित होणाऱ्या या चित्रपटासाठी क्रीति अत्यंत उत्साहित आहे. तर धनुष आणि क्रीति ही नवी जोडी मोठ्या पडद्यावर पाहण्यासाठी प्रेक्षक आतूर आहेत. क्रीतिने आता या चित्रपटासाठी स्वत:ची तयारी सुरू केली आहे. हिमांशू शर्मा आणि नीरज यादव यांच्याकडून या चित्रपटाची कहाणी लिहिण्यात आली आहे. या चित्रपटाची निर्मिती येलो प्रॉडक्शन्सच्या बॅनर अंतर्गत केली जाणार आहे. 2013 मध्ये ‘रांझणा’ या चित्रपटाच्या यशानंतर दिर्ग्शक आनंद एल. राय आणि अभिनेता धनुष हे पुन्हा एकदा ‘तेरे इश्क में’ नावाच्या रोमँटिक चित्रपटासोबत प्रेक्षकांच्या भेटीला येणार आहेत. क्रीति सेनॉनने देखील राय यांच्यासोबत यापूर्वी काम केले आहे. या चित्रपटाला ए.आर. रहमान यांचे संगीत लाभणार आहे. तर चित्रपटातील गीतांचे लेखन इरशाद कामिल यांनी केले आहे.