कर्नाटकाच्या फिरकीची चमक

वृत्तसंस्था / पाटणा

2024 च्या रणजी करंडक क्रिकेट स्पर्धेतील येथे सुरू असलेल्या क इलाईट गटातील सामन्यात कर्नाटकाच्या फिरकी गोलंदाजांनी दर्जेदार कामगिरी केली. कर्नाटकाने बिहारला पहिल्या डावात 143 धावांत गुंडाळले.

कर्नाटकाचे फिरकी गोलंदाज श्रेयस गोपाल आणि मोहसीन खान यांनी 7 गडी बाद केले. गोपालने 14 षटकात 28 धावांत 4 तर मोहसीन खानने 50 धावांत 3 बळी घेतले. त्यानंतर कर्नाटकाने दिवसअखेर पहिल्या डावात बिनबाद 16 धावा जमविल्या. बिहार संघातील शर्मन निग्रोधने 60 धावांचे योगदान दिले.

संक्षिप्त धावफलक: बिहार प. डाव सर्वबाद 143: (निग्रोध 60, श्रेयस गोपाल 4-28, मोहसीन खान 3-50), कर्नाटक प. डाव बिनबाद 16