‘मॉम एट वर्क‘मध्ये कनिका

कनिका ढिल्लों आणि रणविजय सिंह हे ‘मॉम एट वर्क : फ्रॉम डायपर्स टू डेडलान’ या सीरिजमध्ये मुख्य भूमिकेत आहेत. रणविजयने या सीरिजचे पोस्टर शेअर केला आहे. या सीरिजमध्ये कनिका ही आधुनिक काम करणाऱ्या महिलांसमोरील आव्हाने सादर करणार आहे. नोकरी करणाऱ्या महिला मातृत्वाची जबाबदारी पार पडत स्वत:च्या प्रोफेशनल जीवनात कशाप्रकारे ताळमेळ राखत असतात हे या सीरिजमध्ये दिसून येणार आहे. या वेबसीरिजचा ट्रेलरही प्रदर्शित करण्यात आला असून याला प्रेक्षकांचा चांगला प्रतिसाद मिळत आहे.

सीरिजच्या पोस्टरमध्ये कनिका ही मुलाला मांडीवर घेऊन असल्याचे आणि एका हाताने लॅपटॉप हाताळत असल्याचे दिसून येते. पोस्टरवरून एका महिलेच्या दुहेरी भूमिकांच्या आव्हानांना समजले जाऊ शकते. पोस्टरवर युजर्सकडून अत्यंत वेगळ्या प्रतिक्रिया देण्यात आल्या आहेत.

कनिका ही ‘मनमर्जियां’, ‘हसीन दिलरुबा’ यासारख्या प्रोजेक्ट्ससाठी ओळखली जाते. याचबरोबर कनिका ‘दो पत्ती’ दिसून येणार असून यात तिच्यासोबत काजोल आणि क्रीति सेनॉन मुख्य भूमिकेत आहेत. कनिका ही शाहरुख खानचा आगामी चित्रपट ‘डंकी’ची सहलेखिका देखील आहे. हा चित्रपट याच महिन्यात प्रदर्शित होणार आहे.