काकती थ्रोबॉल-व्हॉलिबॉल स्पर्धेला प्रारंभ

बेळगाव : वीर राणी चन्नम्मा उत्सवानिमित्त काकती येथील मराठी शाळेच्या मैदानावरती काकती विभागीय मुला, मुलींची व्हॉलीबॉल व थ्रोबॉल स्पर्धेला मोठ्या उत्साहात प्रारंभ झाला. उद्घाटनप्रसंगी प्रमुख पाहुणे म्हणून ग्रामीण पीईओ साधना बद्री, सीआरपी नीता एल. जी., मुख्याध्यापक बी. एन. मडिवाळ, किरण करंबळकर, क्रीडा शिक्षक महेश अक्की, अशोक खोत, सी. एम. पाटील, बी. आय. हितरगौडा, विजय राजमनी, एन. बी. अरवळी, शिवानंद तल्लूर, सुनिल देसाई, ए. एन. नाथबुवा आदी मान्यवर उपस्थित होते. 17 वर्षांखालील मुलांच्या व्हॉलीबॉल स्पर्धेतील उद्घाटनाचा सामना जे. एस.एच.  काकती विरुद्ध सेंट जॉन काकती यांच्यात झाला. या सामन्याचे नाणेफेक साधना बद्री यांच्या हस्ते करुन करण्यात आले. या स्पर्धेत जवळपास 15 संघांनी भाग घेतला होता.