मुंबई इंडियन्सच्या प्रमुख प्रशिक्षकपदी जयवर्धने

वृत्तसंस्था/ मुंबई

2025 च्या आयपीएल क्रिकेट मौसमासाठी मुंबई इंडियन्सच्या प्रमुख प्रशिक्षकपदी लंकेचा माजी कर्णधार महेला जयवर्धनेची नियुक्ती करण्यात आली आहे. दरम्यान या स्पर्धेसाठी क्रिकेटपटूंचा लिलाव लवकरच केला जाणार आहे.

महेला जयवर्धने 2017 ते 2022 या कालावधीत मुंबई इंडियन्सचे प्रमुख प्रशिक्षक म्हणून कार्यरत होते. पुन्हा त्यांची या पदासाठी निवड करण्यात आली असून मुंबई इंडियन्स संघात जयवर्धने यांचे पुनरागमन झाले आहे. 2017, 2019 तसेच 2020-21 च्या आयपीएल हंगामात आयपीएल स्पर्धा जिंकणाऱ्या मुंबई इंडियन्स संघाच्या प्रमुख प्रशिक्षक पदाची जबाबदारी दक्षिण आफ्रिकेचा माजी यष्टीरक्षक आणि फलंदाज मार्क बाऊचरकडे सोपविण्यात आली होती. 2023 च्या आयपीएल स्पर्धेत मुंबई इंडियन्सने बाद फेरीसाठी आपली पात्रता सिद्ध केली होती. मुंबई इंडियन्सने 14 पैकी 4 सामने जिंकून गुणतक्त्यात शेवटचे स्थान मिळविले होते.