आयटीआय उमेदवारांची वीज मंडळाने भरती करावी

बेळगाव : कर्नाटक वीज मंडळाने कनिष्ठ पॉवरमॅन पदासाठी दहावी उत्तीर्ण झालेल्या उमेदवारांची भरती सुरू केली आहे. ती त्वरित थांबवावी. किमान आयटीआय उत्तीर्ण झालेल्या उमेदवारांची भरती करावी, अशी मागणी आयटीआय शिक्षण पूर्ण केलेल्या विद्यार्थ्यांनी केली आहे. सोमवारी यासंबंधी जिल्हाधिकाऱ्यांना निवेदन देण्यात आले आहे. दहावी उत्तीर्ण झालेल्या उमेदवारांना वीज व विजेचे नियोजन आदींविषयी प्राथमिक माहितीही नसते. त्यामुळे काम करताना त्यांच्या जीवालाही धोका निर्माण होऊ शकतो. ही गोष्ट लक्षात घेऊन आयटीआयचे शिक्षण पूर्ण केलेल्या उमेदवारांचीच कनिष्ठ स्टेशन परिचारक व कनिष्ठ पॉवरमॅन पदासाठी भरती करावी, अशी मागणी करण्यात आली आहे.