आयटीसीचे बाजार भांडवल 5 ट्रिलियनवर

मुंबई : एफएमसीजी क्षेत्रातील दिग्गज कंपनी आयटीसीचे बाजार भांडवल मूल्य 5 ट्रिलियनवर पोहचले असल्याची माहिती उपलब्ध झाली आहे. कंपनीचा समभाग शेअरबाजारात आतापर्यंत 21 टक्के इतका वाढला आहे. कंपनीचा समभाग गुरुवारी बीएसईवर 1 टक्का इतका वाढत 402 रुपयांवर पोहचला होता. अशाप्रकारे भावातली विक्रमी पातळी कंपनीने गाठली होती. बाजार भांडवल 5.003 ट्रिलियनवर पोहचत इतर कंपन्यांच्या यादीत आठवे स्थान कंपनीने प्राप्त केले आहे.