2026 मध्ये येणार 192 कंपन्यांचे आयपीओ

आयपीओमधून 2.5 लाख कोटी उभारणार: यंदाच्या वर्षी 1.77 लाख कोटींचा टप्पा गाठला

वृत्तसंस्था/ नवी दिल्ली

येणाऱ्या 2026 मध्ये प्रारंभिक सार्वजनिक ऑफरिंगचा (आयपीओ) विक्रम मोडला जाण्याची शक्यता आहे. या वर्षी आतापर्यंत सुमारे 100 कंपन्यांनी मुख्य बोर्डच्या आयपीओमधून 1.77 लाख कोटी रुपये उभारले आहेत. 2007 नंतरची ही सर्वोत्तम कामगिरी  आहे. परंतु 2026 मध्ये 192 कंपन्या 2.56 लाख कोटी रुपये उभारू शकतात.

येत्या नवीन वर्षासाठी काही दिवसांतच पाइपलाइन मजबूत आहे. प्राइमडेटाबेसच्या आकडेवारीनुसार, सेबीने 1.16 लाख कोटी रुपयांच्या आयपीओसाठी 88 कंपन्यांना मान्यता दिली आहे. 104 कंपन्या 1.4 लाख कोटी रुपयांच्या सार्वजनिक विक्रीसाठी मंजुरीची वाट पाहत आहेत.

2026 मध्ये, गुंतवणूकदारांना आयपीओ मार्केटमध्ये अनेक मोठ्या कंपन्यांमध्ये गुंतवणुकीची संधी मिळेल. रिलायन्स जिओ, मणिपाल हॉस्पिटल्स, फोनपे, जेप्टो, बोट सारख्या मोठ्या कंपन्या अर्ज दाखल करतील अशी अपेक्षा आहे. 10,000 कोटी रुपयांच्या इश्यूसाठी ड्राफ्ट पेपर्स दाखल करणारा फोनपे हा सर्वात चर्चेत असलेल्या सार्वजनिक इश्यूंपैकी एक आहे. तसेच, झेप्टो, बोट, ऑफबिझनेस आणि कोरफूड्स सारख्या नवीन कंपन्या देखील आयपीओ उतरवणार आहेत.

 विस्तार, कर्ज परतफेडीसाठी भांडवल

अॅक्सिस सिक्युरिटीजचे वरिष्ठ उपाध्यक्ष राजेश पालविया म्हणतात की सर्व प्रकारच्या कंपन्यांना, विशेषत: नवीन आणि लहान कंपन्यांना, कामकाजाचा विस्तार करण्यासाठी किंवा सुधारण्यासाठी, कर्ज फेडण्यासाठी भांडवलाची आवश्यकता असते. अलीकडच्या वर्षांत पीई गुंतवणूक असलेल्या अनेक कंपन्या आता मेनबोर्ड लिस्टिंगमधून मूल्य अनलॉक करण्यास सज्ज आहेत. दुसरीकडे, गुंतवणूकदार मोठ्या नावांची वाट पाहत आहेत. यामध्ये एनएसई, रिलायन्स जिओचे इश्यू समाविष्ट आहेत.

2026 च्या योजना यशस्वी होतील का?

2.56 लाख कोटींचे लक्ष्य सहज साध्य होईल असे तज्ञांचे मत आहे. जरी स्मॉल-कॅप सेगमेंट दबावाखाली राहू शकते, तरी या आव्हानांना न जुमानता आयपीओ मार्केट 2025 मध्ये चमकत राहील.