आमदार राजू सेठ यांच्याकडून बसस्थानक परिसराची पाहणी

बेळगाव : बेळगाव उत्तरचे आमदार असिफ ऊर्फ राजू सेठ यांनी बुधवारी मध्यवर्ती बसस्थानक परिसरातील समस्यांचा आढावा घेतला. तसेच बसस्थानकातील रिक्षा स्टँडला भेट देऊन तेथील रिक्षाचालकांशी संवाद साधला. बसस्थानक परिसरात स्वच्छता राखण्यासोबतच इतर सुविधा पुरविण्याच्या सूचना केल्या. रिक्षास्टँड असोसिएशनच्यावतीने आपल्याला येणाऱ्या समस्या आमदारांसमोर मांडल्या. रिक्षा उभ्या करण्यावरून पोलीस व रिक्षावाल्यांमध्ये होणाऱ्या वादाबाबतही चर्चा करण्यात आली. यावेळी पोलीस, रहदारी पोलीस, महानगरपालिका तसेच इतर विभागांचे अधिकारी उपस्थित होते.