भारतीय महिला फुटबॉल संघाचा पाकवर विजय

वृत्तसंस्था / काठमांडू (नेपाळ)

2024 च्या सॅफ महिलांच्या फुटबॉल स्पर्धेत अ गटातील झालेल्या सामन्यात भारतीय महिला फुटबॉल संघाने पाकचा 5-2 अशा गोलफरकाने दणदणीत पराभव केला.

या सामन्यात भारतीय महिला संघाने मध्यंतरापर्यंत पाकवर 4-1 अशी आघाडी घेतली होती. भारतीय महिला फुटबॉल संघाने आतापर्यंत ही स्पर्धा पाचवेळा जिंकली आहे. या सामन्यातील विजयामुळे भारताला 3 गुण मिळाले. भारतातर्फे ग्रेस देंगमेईने 2 तर मनीषा, बालादेवी आणि ज्योती चौहान यांनी प्रत्येकी एक गोल केला. पाकतर्फे सुहा इराणी आणि सिद्दकी यांनी प्रत्येकी 1 गोल नोंदविला.