भारतीय महिला क्रिकेट सपोर्ट स्टाफला 11 लाखाचे बक्षीस

वृत्तसंस्था/ मुंबई

महाराष्ट्र सरकारने 28 नोव्हेंबर रोजी एक सरकारी ठराव जारी केला आहे, ज्यामध्ये अलीकडेच पहिला आयसीसी महिला विश्वचषक जिंकणाऱ्या भारतीय महिला क्रिकेट संघाच्या 11 सपोर्ट स्टाफ सदस्यांना प्रत्येकी 11 लाख रुपयांचे रोख बक्षीस जाहीर केले आहे.

गोलंदाजी प्रशिक्षक अविष्कार साळवीसह सपोर्ट स्टाफला रोख बक्षीस देण्यात येणार आहे. यापूर्वी, महाराष्ट्राचे मुख्यमंत्री देवेंद्र फडणवीस यांनी महिला क्रिकेट विश्वचषकात उत्कृष्ट कामगिरी केल्याबद्दल स्मृती मानधना, जेमिमा रॉड्रिग्ज आणि राधा यादव यांचा सत्कार केला होता. तिघांनाही प्रत्येकी 2.25 कोटी रुपयांचे रोख बक्षीस देण्यात आले. प्रशिक्षक अमोल मुझुमदार यांना 22.5 लाख रुपयांचा धनादेश देण्यात आला. हरमनप्रीत कौरच्या नेतृत्वाखाली, एकत्रित सांघिक प्रयत्नांमुळे भारताने 2 नोव्हेंबर रोजी नवी मुंबईतील डीवाय पाटील स्टेडियमवर 2025 च्या विश्वचषकाच्या रोमांचक अंतिम सामन्यात दक्षिण आफ्रिकेला 52 धावांनी हरवून पहिले विश्वचषक विजेतेपद मिळवले.