भारत-पाक युद्धामुळे बाजारावर काळजीचे ढग
सेन्सेक्स 412 तर निफ्टी 141 अंकांनी नुकसानीत : गुंतवणूकदारांमध्ये चिंता
वृत्तसंस्था/मुंबई
जागतिक बाजारांमध्ये मिळताजुळता कल राहिला. या दरम्यान पहिलगाम हल्ल्यानंतर भारत आणि पाकिस्तानवर केलेल्या कारवाईनंतर दोन्ही देशांमध्ये अधिकचे तणावाचे वातावरण निर्माण झाले. यामुळे भारतीय बाजार घसरणीसह बंद झाला आहे. पाकिस्तानने 7 ते 8 मे च्या रात्री भारताच्या उत्तर अणि पश्चिम भागात सैन्य ठिकाणांवर हल्ला करण्याचा प्रयत्न केला आहे. याला उत्तर देताना भारताने लाहोर एअर डिफेन्स सिस्टम नष्ट केली आहे. या कारणास्तव गुंतवणूकदारांमध्ये चिंता वाढली आहे. यहत एका तासामध्ये बाजारात मोठी विक्री झाल्याने सेन्सेक्स अणि निफ्टी घसरणीत राहिले.
दिग्गज कंपन्यांच्या मदतीने बीएसई सेन्सेक्स गुरुवारी मजबूत होत 80,912.34 अंकांनी खुला झाला आहे. दिवसअखेर सेन्सेक्स 411.97 अंकांच्या घसरणीसह निर्देशांक 80,334.81 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी हा दिवसअखेर 140.60 अंकांच्या नुकसानीसह निर्देशांक 24,273.80 वर बंद झाला आहे.
निफ्टीत एचसीएल टेक हा सर्वाधिक तेजीत राहिला. तर अॅक्सिस बँक, टायटन, कोटक बँक, कोल इंडिया यांचे समभाग वधारले आहेत. दुसऱ्या बाजूला श्रीराम फायनान्स, इटरनल, अदानी एंटरप्र्राईजेस, महिंद्रा अॅण्ड महिंद्रा. आणि टाटा कंझ्युमर यांचे समभाग प्रभावीत झाले आहेत. जागतिक बाजारांमधील संमिश्र वातावरणामध्ये अमेरिकेच्या फेडरल रिझर्व्ह ने आपला व्याजदर स्थिर ठेवला आहे. यावेळी महागाई अणि बेरोजगारी दोन्ही जोखीम वाढल्या आहेत. या कारणास्तव आर्थिक दृष्टीकोन काहीसा वेगळा झाला असल्याचेही म्हटले आहे.
काय आहे जागतिक स्थिती ?
आशियातील बाजारांमध्ये चीनचा सीएसआय 300 0.16 टक्क्यांनी वरती राहिला. शांघाय 0.01 टक्क्यांनी खाली राहिला. हाँगकाँगचा हँगसेंग 0.45 टक्के आणि जपानचा निक्कोई 0.07 टक्क्यांनी वरती जात ऑस्ट्रेलियाचा एएसएक्स 200 अंकावर तेजीत राहिला. एशियन पेंट्स, भारत फोर्ज, बायोकॉन, ब्रिटानिया, कॅनरा बँक,एस्कॉर्ट्स कुबोटा, आयडियाफोर्ज टेक्नॉलॉजी, आयआयएफएल फायनान्स, एल अँड टी, एमसीएक्स, टायटन, सुला व्हाइनयार्ड्स, युनियन बँक ऑफ इंडिया, झी एंटरटेनमेंट एंटरप्रायझेस आदींनी यांच तिमाही अहवाल लवकरच सादर होणार आहेत.
समभाग वधारलेल्या कंपन्या
- एचसीएल टेक 1580
- अॅक्सिस बँक 1172
- टायटन 3369
- कोटक महिंद्रा 2112
- कोल इंडिया 385
- टेक महिंद्रा 1502
- टाटा मोटर्स 682
- इन्फोसिस 1511
- टीसीएस 3448
- नेस्ले 2340
- लार्सन टुब्रो 3323
- रिलायन्स 1407
- आयसीआयसीआय 1435
समभाग घसरलेल्या कंपन्या
- श्रीराम फायनान्स 615
- इटर्नल 229
- अदानी एंटरप्रायझेस 2285
- महिंद्रा आणि महिंद्रा 3033
- टाटा कंझ्यु. 1116
- हिंडाल्को 620
- ओएनजीसी 233
- आयशर मोटर्स 5372
- मारुती सुझुकी 12392
- अपोलो हॉस्पिटल 6851
- जियो फायनॅन्शीयल 251
- हिरो मोटोकॉर्प 3800
- बजाज फायनान्स 8832
- टाटा स्टील 143
- बजाज ऑटो 7724
- सिप्ला 1486
- एशियन पेंटस् 2302
- जेएसडब्ल्यू स्टील 953
- बजाज फिनसर्व्ह 2005
- भारती एअरटेल 1874
- डॉ. रे•िज लॅब्ज 1148
- विप्रो 241
- पॉवरग्रिड कॉर्प 308
- एसबीआय 769
- भारत इले. 307
- एचडीएफसी बँक 1928
- इंडसइंड बँक 826
- सनफार्मा 1767