मडिवाळ समाजाला अनुसूचित जातींमध्ये समाविष्ट करा

मडिवाळ समाजाची राज्य सरकारकडे मागणी

बेळगाव : कर्नाटकातील मडिवाळ समाजाला अनुसूचित जातीमध्ये समाविष्ट करण्यासाठी केंद्र सरकारला शिफारस पत्र पाठवावे, अशी मागणी कर्नाटक राज्य मडिवाळ कुशल विकास संघाच्यावतेने राज्य सरकारकडे करण्यात आली. या मागणीसाठी राज्यभरातील मडिवाळ समाजाच्या प्रतिनिधांनी सुवर्ण विधानसौधसमोर आंदोलन केले. मडिवाळ समाजाला अनुसूचित जातींमध्ये समाविष्ट करावे यासाठी अनेक वर्षांपासून प्रयत्न सुरू आहेत. 2009 मध्ये कर्नाटकातील मडिवाळ समाजाच्या वंशावळीचा अभ्यास करण्यासाठी प्रा. अन्नपूर्णा यांची नियुक्ती करण्यात आली होती. त्यांनी अहवाल सादर केल्यानंतर तो मंत्रिमंडळात मांडण्यात आला होता. त्यामुळे मडिवाळ समाजाला आरक्षण मिळवून देण्यासाठी राज्य सरकारने प्रयत्न करावेत, अशी मागणी संघटनेच्यावतीने करण्यात आली.