एसटीवर वीज खांब कलंडला

मालवण येथील घटना ; सुदैवाने मोठी दुर्घटना टळली

मालवण/प्रतिनिधी
मालवण शहरातील भरड येथील जुनाट गंजलेला वीज खांब थेट एसटीवरच येऊन कलंडला. ही घटना आज सकाळी साडेआठ वाजता घडली. यामुळे भरड परिसरात वाहतुकीची कोंडी झाली होती. तसेच वीज पुरवठा खंडित करण्यात आला होता.मालवण एसटी डेपोच्या दोन गाड्या सहलीसाठी गेल्या होत्या. या दोन्ही गाड्या पुन्हा बस स्थानकात जात असताना भरड परिसरात असलेला जुनाट वीज खांब थेट एसटीवर येऊन कलंडला. सुदैवाने कोणतीही दुर्घटना घडली नाही. मात्र वीज पुरवठा खंडित होऊन वाहतुकीची कोंडी झाली होती. वीज वितरण कडे वारंवार सदरचा वीज खांब बदलण्याबाबत मागणी करण्यात आली होती. तरी अधिकाऱ्यांकडून त्याकडे दुर्लक्ष करण्यात आल्याने आज ही घटना घडल्याचे स्थानिक नागरिकांनी सांगितले.