राज्य शालेय स्केटिंग स्पर्धेचे उद्घाटन

बेळगाव : सार्वजनिक शिक्षण खाते व बेळगाव जिल्हा स्केटिंग अकादमी यांच्या संयुक्त विद्यमाने प्राथ., माध्य.,मुला व मुलींची राज्यस्तरीय स्केटिंग स्पर्धेला मोठ्या उत्साहात प्रारंभ झाला. स्पर्धेत 200 हून अधिक स्पर्धकांनी भाग घेतला आहे. शिवगंगा स्पोर्टस क्लब ओमनगर बेळगाव येथे आयोजित स्पर्धेसाठी राज्यातील 18 जिल्ह्यामधून सुमारे 200 च्या वर स्केटर्स सहभागी झाले होते. या स्पर्धेमध्ये विजयी व निवड झालेल्या स्केटर्सची शालेय क्रीडा स्पर्धेसाठी निवड केली जाणार आहे. या स्पर्धेचे उद्घाटन बेळगाव जिल्हा शिक्षणाधिकारी लीलावती हिरेमठ यांच्या हस्ते झाले, यावेळी जिल्हा शारीरिक शिक्षणाधिकारी जुनेद पटेल, ज्योती चिंडक, रमेश सिंगद, क्रीडा अधिकारी साधना बद्री, नागराज भगवंतण्णावर, एस. गंभीर, जे. बी. पटेलसह मान्यवर व स्केटींगपटू, पालक, प्रशिक्षक उपस्थित होते. यावेळी लीलावती हिरेमठ, ज्योती चिंडक, अनिल व महेन्द्र यांचा शाल व  पुष्गुच्छ देऊन सत्कार करण्यात आला. तसेच या स्पर्धा यशस्वी करण्यासाठी सुर्यकांत हिंडलगेकर, निखिल चिंडक, विश्वनाथ यळळ्tरकर, योगेश कुलकर्णी, विठ्ठल गंगणे, अनुष्का शंकरगौडा, सोहम हिंडलगेकर, तेजस सांळुखे, ऋषीकेश पसारे, स्वरूप पाटील यांनी परिश्रम घेतले.