मी मंत्रिपदासाठी इच्छुक नाही : आर. व्ही. देशपांडे

बेंगळूर : मी मंत्रिपदासाठी इच्छुक नाही. मंत्रिमंडळात कोणाला सामील करून घ्यायचे हे ठरवणे हा मुख्यमंत्र्यांचा विशेषाधिकार आहे, असे माजी मंत्री आर. व्ही. देशपांडे यांनी सांगितले. मंत्रिमंडळाच्या पुनर्रचनेविषयी पत्रकारांनी विचारलेल्या प्रश्नावर उत्तर देताना ते म्हणाले, माझ्याइतका काळ कोणीही मंत्रिपदावर राहिलेला नाही. मी कोणत्याही पदसाठी इच्छुक नाही. त्यामुळे मला मंत्रिपदावरून डोकेदुखी करून घेतलेली नाही. मंत्रिमंडळात कोण असावे हे मुख्यमंत्री ठरवतात. पक्षासाठी हायकमांड आहे. राहुल गांधी आणि पक्षाध्यक्ष चर्चा करून निर्णय घेतील. मी या विषयावर काहीही बोलणार नाही. अनेक आमदार मंत्रिपदासाठी पात्र आहेत. वरिष्ठांचा निर्णय अंतिम असेल, असे ते म्हणाले.