कारभार गल्लीत घर कोसळले

बेळगाव : सततच्या पावसामुळे कारभार गल्ली वडगाव येथे कौलारू घर कोसळले. बुधवारी सकाळी 10 च्या सुमारास लक्ष्मी भुजंग बसरीकट्टी यांचे राहते घर कोसळल्याची घटना घडली. सुदैवाने यात गंभीर दुखापत झाली नसली तरी घराचे नुकसान झाल्याने बसरीकट्टी कुटुंबीय बेघर झाले आहे. मागील चार दिवसात बेळगावला झालेल्या जोरदार पावसामुळे सदर घटना घडल्याचा अंदाज आहे. अनेक ठिकाणी घरांची पडझड सुरू आहे. कारभार गल्ली वडगाव येथे एक कौलारू घर कोसळल्याने मोठे नुकसान झाले आहे. यामध्ये घराचे लाखो रुपयांचे नुकसान झाल्याचे बसरीकट्टी कुटुंबीयांनी सांगितले.