हुंचेनहट्टीत घराची पडझड

बेळगाव : हुंचेनहट्टी, पिरनवाडी येथील सुरेश गजानन पिसे यांच्या मालकीचे घर कोसळल्याची घटना दोन दिवसांपूर्वी घडली. सततच्या पावसामुळे बेळगाव परिसरातील अनेक ठिकाणी घरांची पडझड झाली. पिसे यांच्या घराची भिंत कोसळून घराचा अर्धा भाग जमीनदोस्त झाला आहे. काही कारणाने पिसे कुटुंबीय इतर ठिकाणी राहात असल्यामुळे सुदैवाने कोणालाही इजा झाली नाही. परंतु, घराचे नुकसान झाले आहे.