हिंदू-मुस्लीम बांधवांनी एकत्रितरित्या केली कार्तिक पौर्णिमा

बेळगाव : मध्यवर्ती बसस्थानक परिसरातील दि ऑटो रिक्षा ओनर्स अँड ड्रायव्हर्स असोसिएशनच्यावतीने हिंदू-मुस्लीम बांधवांनी एकत्रितरित्या कार्तिक पौर्णिमेनिमित्त पुजेचे आयोजन केले होते. यावेळी मार्केट पोलीस स्थानकाचे प्रदीप तळकेरी यांच्या हस्ते पूजा करण्यात आली. असोसिएशनच्या कार्यालयात दरवर्षी कार्तिक पौर्णिमेनिमित्त पुजेचे आयोजन केले जाते. यावर्षीही भक्तिभावाने पुजेचे आयोजन करण्यात आले. यावेळी असोसिएशनचे अध्यक्ष मन्सूर होनगेकर, उपाध्यक्ष गौतम कांबळे, आयुब दुबईवाले, रफीक देवलापुरी यांच्यासह इतर उपस्थित होते. यानिमित्त रिक्षा चालकांचा विशेष सन्मान करण्यात आला.