गुप्तचर अतिरिक्त पोलीस महासंचालकपदी हेमंत निंबाळकर यांची नियुक्ती

बेळगाव : कोल्हापूरचे सुपुत्र व बेळगावचे या आधीचे जिल्हा पोलीसप्रमुख हेमंत निंबाळकर यांची गुप्तचर विभागाच्या अतिरिक्त पोलीस महासंचालकपदी नियुक्ती झाली आहे. शुक्रवारी सरकारने दोन आयपीएस अधिकाऱ्यांच्या बदल्या केल्या असून यामध्ये त्यांचा समावेश आहे. माहिती व सार्वजनिक संपर्क खात्याच्या आयुक्तपदी ते कार्यरत आहेत. गुप्तचर विभागाची महत्त्वाची जबाबदारी त्यांच्यावर सोपविण्यात आली असून याबरोबरच माहिती व सार्वजनिक संपर्क विभागाच्या आयुक्तपदाचा भारही त्यांच्यावर असणार आहे. गुप्तचर विभागाचे अतिरिक्त पोलीस महासंचालक के. व्ही. शरथचंद्र यांची वाहतूक व रस्ता सुरक्षितता विभागात बदली झाली आहे.