Halsiddhnath Yatra 2025 : हालसिद्धनाथ यात्रेची पालखी सोहळ्याने सांगता..!

                   श्री क्षेत्र आप्पाचीवाडी-कुर्लीतील हालसिद्धनाथ यात्रेची उत्साहात सांगता

म्हाकवे : कर्नाटक-महाराष्ट्रासह अन्य राज्यातील लाखो भाविकांचे श्रद्धास्थान असलेल्या श्री क्षेत्र आप्पाचीवाडी-कुर्ली (ता. निपाणी) येथील श्री हालसिद्धनाथ देवाच्या यात्रेची रविवार दि. १२ ऑक्टोबर रोजी मानकरी, पुजारी व भाविकांच्या उपस्थितीत सांगता झाली.

गेल्या पाच दिवसापासून सुरु असणाऱ्या या यात्रेत नाथांचे अनेक धार्मिक कार्यक्रम, ढोलवादन, वालंग, गजनृत्य, हेडाम खेळणे असे विविध कार्यक्रम पार पडले.

शुक्रवारी उत्तर रात्री नाथांची पहिली भाकणूक तर शनिवारी उत्तर रात्री नावांची दुसरी भाकणूक सिद्धार्थ डोणे महाराज (वाघापूर) यांनी कथन केली. त्यानंतर रविवारी सकाळी वाजता घुमट मंदिरात तिसरी अखेरची भाकणूक झाली. गेल्या पाच दिवसात यात्रेसाठी व भाकणूकीसाठी मोठ्या प्रमाणात भाविकांनी हजेरी लावली होती. शनिवारी दिवसभर महानैवेद्याचा कार्यक्रम झाला.

५ यावेळी पारंपारिक पद्धतीने सायंकाळी वाजता उत्सवस्थळी ढोलवादन व भंडाऱ्याची उधळण करण्यात आली. त्यानंतर नाथांच्या दोन्ही पालख्यांची व सबीन्याची श्री हालसिद्धनाथ व श्री महालक्ष्मी मंदिर प्रदक्षिणा झाली. सायंकाळी ६ वाजता वाड्यातील मंदिरात नाथांची मूर्ती स्थानापन्न झाली.

त्यानंतर कुर्लीतील पालखी सोहळा मार्गस्थ झाला. तत्पूर्वी सायंकाळी ६ वाजण्याच्या सुमारास डोणे महाराज यांच्या हस्ते प्रमुख मानकऱ्यांच्या उपस्थितीत कर तोडून पाच दिवस सुरु असलेल्या यात्रेची उत्साहाने सांगता करण्यात आली.

ग्रामपंचायत प्रशासन, यात्रा कमिटीचे पदाधिकारी, आरोग्य विभाग यंत्रणा, पोलीस प्रशासन यांच्या नियोजनामुळे यात्रा सुरळीत पार पडली.