शिवसेनाप्रमुख बाळासाहेब ठाकरे यांना अभिवादन

रामलिंगखिंड गल्ली येथील मध्यवर्ती कार्यालय, खडेबाजार येथे प्रतिमेचे पूजन : शिवसेना पदाधिकाऱ्यांची उपस्थिती

बेळगाव : हिंदुहृदयसम्राट शिवसेनाप्रमुख बाळासाहेब ठाकरे यांच्या स्मृतीदिनानिमित्त शहरात ठिकठिकाणी अभिवादन करण्यात आले. शिवसेना मध्यवर्ती कार्यालयासोबतच शिवसैनिकांनी शहराच्या इतर भागातही अभिवादन केले. बाळासाहेब ठाकरे यांचे सीमाप्रश्नासाठीचे योगदान मोठे असल्यामुळे बेळगावमध्ये त्यांना अभिवादन करण्यात आले. रामलिंगखिंड गल्ली येथील मध्यवर्ती कार्यालयात शिवसेना सीमाभागाच्यावतीने अभिवादन करण्यात आले. जिल्हाप्रमुख प्रकाश शिरोळकर यांच्या मार्गदर्शनाखाली आदरांजली वाहण्यात आली. यावेळी माजी महापौर मालोजी अष्टेकर यांनी शिवसेनाप्रमुखांच्या सीमाप्रश्नाच्या योगदानाची माहिती दिली. यावेळी मनोज पावशे, शुभम शेळके, नेताजी जाधव, सचिन गोरले, महेश टंकसाळी, राजकुमार बोकडे, दत्ता पाटील, विनायक बेळगावकर, रमेश माळवी, राजू कनेरी, प्रकाश हेब्बाजी, सुरेश राऊळ यांच्यासह इतर कार्यकर्ते मोठ्या संख्येने उपस्थित होते.

मंगाईनगर येथे अभिवादन 

शिवसैनिकांच्यावतीने मंगाईनगर येथील सोमेश्वरी हॉलमध्ये बाळासाहेब ठाकरे यांना अभिवादन करण्यात आले. प्रारंभी बाळासाहेब ठाकरे यांच्या प्रतिमेचे पूजन केले. यावेळी उपजिल्हाप्रमुख बंडू केरवाडकर, भालचंद्र उचगावकर, आनंद गोंधळी, सहदेव रेमाण्णाचे, बाळू हसबे, प्रसाद अर्कसाली, बाळू भोसले, अनिकेत नरगुंदकर यांच्यासह इतर उपस्थित होते. शिवसेना कार्यकर्त्यांनी खडेबाजार कार्यालयात बाळासाहेब ठाकरे यांना अभिवादन केले. यावेळी माजी जिल्हाप्रमुख हणमंत मजुकर यांच्यासह परशराम गोंदकर, सोमनाथ शहापूरकर, विनायक कुंडेकर, जोतिबा गुरव, मंजुनाथ नायकर, रमेश देमण्णावर व इतर उपस्थित होते.