‘गुगल वॉलेट अॅप’ भारतात लाँच

वापरकर्ते डेबिटकार्ड, व्रेडिट कार्ड, इव्हेंट तिकीटासह पास व अन्य गोष्टी डिजिटलस्वरुपात संग्रहित करु शकणार

वृत्तसंस्था /नवी दिल्ली

टेक कंपनी गुगलने 8 मे रोजी भारतात अँड्रॉइड वापरकर्त्यांसाठी खाजगी डिजिटल वॉलेट लाँच केले आहे. या अॅपमध्ये, वापरकर्ते डेबिट कार्ड, क्रेडिट कार्ड, लॉयल्टी कार्ड, गिफ्ट कार्ड, इव्हेंट तिकीट आणि पास आणि इतर गोष्टी संग्रहित आणि वापरू शकतात. हे अॅप गुगल पे अॅपपेक्षा वेगळे आहे जे पैसे आणि वित्त व्यवस्थापित करण्यात मदत करते. गुगलने भारतीय बाजारपेठेत आपली उपस्थिती वाढवण्यासाठी 20 हून अधिक ब्रँडसोबत भागीदारी केली आहे. यामध्ये पीव्हीआर आणि आयनॉक्स, एअर इंडिया, इंडिगो, फ्लिपकार्ट, पाइन लॅब्स, कोची मेट्रो आणि अभिबससह इतर व्यवसायांचा समावेश आहे. गुगल वॉलेटमध्ये, वापरकर्ते सुपरकॉइन, शॉपर्स स्टॉप आणि ई-कॉमर्स वेबसाइट फ्लिपकार्टवर उपलब्ध इतर ब्रँडची गिफ्ट कार्डे संग्रहित करू शकतात.

गुगल पे हे  प्राथमिक पेमेंट अॅप राहील

गुगल अँड्रॉइडचे जीएम आणि इंडिया इंजिनिअरिंग लीड राम पापटला म्हणाले, ‘गुगल पे कुठेही जात नाही. हे आमचे प्राथमिक पेमेंट अॅप राहील. गुगल वॉलेट अॅप विशेषत: नॉन-पेमेंट प्रकरणांसाठी डिझाइन केले आहे.

गुगल वॉलेट गुगल पे पेक्षा वेगळे कसे आहे?

गुगल वॉलेट एक सुरक्षित आणि डिजिटल वॉलेट आहे जे वापरकर्त्यांना इतर गोष्टींबरोबरच कार्ड, इव्हेंट तिकिटे आणि पास संग्रहित करू देते. या वॉलेटच्या मदतीने तुम्हाला सर्व कार्ड एकाच ठिकाणी सहज मिळतील. गुगल वॉलेटद्वारे पेमेंट करू शकत नाही. तर, गुगल पे मध्ये तुम्ही युनिफाइड पेमेंट इंटरफेसद्वारे पेमेंट करू शकता. याशिवाय गुगल पेमध्ये वीज बिल, मोबाइल बिल, ब्रॉडबँड बिल आणि क्रेडिट कार्ड बिल भरण्याचा पर्याय देखील आहे.