बेळगावात गुड फ्रायडेचे आचरण

बेळगाव : गुड फ्रायडे निमित्ताने बेळगावमधील ख्रिश्चन बांधवांनी ‘द गोवन वे ऑफ द क्रॉस’ म्हणत प्रार्थना सादर केली. बेळगाव परिसरातील सर्व चर्चमध्ये सामूहिक प्रार्थना झाली. त्यामुळे सकाळपासूनच चर्च परिसरात ख्रिश्चन नागरिकांची गर्दी होती. येशू ख्रिस्ताना सुळावर चढविण्याच्या स्मरणार्थ गुड फ्रायडेची प्रार्थना केली जाते. दुपारी 12 ते सायंकाळपर्यंत यानिमित्ताने विविध सेवा आयोजित करण्यात आल्या आहेत. बेळगावमधील ख्रिस्ती बांधवांनी सकाळी उपस्थित राहून सामूहिक प्रार्थनेमध्ये भाग घेतला. यावेळी ख्रिश्चन धर्मगुरुंसह ख्रिश्चन बांधव उपस्थित होते.