नाईट लँडिंग सोयीअभावी गोवा-सोलापूर विमान रद्द

पणजी : मनोहर विमानतळावरुन सोलापूरला जाणारे विमान तांत्रिक कारणामुळे अचानक रद्द करावे लागले. त्यामुळे प्रवाशांना हाल सहन करावे लागले. सोलापूर विमानतळावर नाईट लँडिंगची सोय नसल्याने गोव्याहून सोलापूरला जाणारे विमान रद्द करण्यात येत असल्याचे विमान कंपनीच्या अधिकाऱ्यांनी सांगितले. फ्लाय 91 या विमान कंपनीला तांत्रिक कारणामुळे विमान रद्द करावे लागले. मोपा विमानतळावरून सायंकाळी 4 वाजून 5 मिनिटांनी विमान उड्डाण होणार होते. संध्याकाळी 6.30 वाजण्यापूर्वी हे विमान सोलापूरला पोचणे शक्य नसल्याने अखेर हे विमान रद्द करावे लागले.