रेल्वे सुरक्षा कर्मचाऱ्यांकडून गोवा बनावटीचे मद्य जप्त

बेळगाव : रेल्वेतून गोवा बनावटीच्या मद्याची वाहतूक होत असल्याचे समजताच रेल्वे सुरक्षा कर्मचाऱ्यांनी तात्काळ कारवाई केली आहे. कॅसलरॉकनजीक झालेल्या या कारवाईत  एकूण मद्याच्या 459 बाटल्या रेल्वेतून जप्त केल्या. 13,770 किमतीच्या बाटल्या जप्त करून त्या दांडेली येथील अबकारी विभागाकडे जमा करण्यात आल्या. आता रेल्वेतूनही गोवा बनावटीच्या मद्याची वाहतूक होत आहे. वास्को-यशवंतपूर रेल्वेतून मद्याची वाहतूक होत असल्याचे रेल्वे सुरक्षा कर्मचाऱ्यांना समजताच त्यांनी करंझोळ ते कॅसलरॉक रेल्वे स्थानकादरम्यान कारवाई केली. त्यामुळे आता रेल्वेतून मद्य वाहतूक करणाऱ्यांवर रेल्वे सुरक्षा कर्मचाऱ्यांची नजर असणार आहे.