ठळकवाडी हायस्कूलच्या विजेत्या संघाचा गौरव

बेळगाव : बेळगाव स्पोर्ट्स क्लब आयोजित हनुमान चषक 17 वर्षांखालील आंतरशालेय क्रिकेट स्पर्धेत ठळकवाडी संघाने भातकांडे संघाचा पराभव करून हनुमान चषक पटकाविला. या संघाचे शालेय व्यवस्थापन मंडळ व शिक्षकांतर्फे खास गौरव करण्यात आला. प्लॅटिनम ज्युबली मैदानावरती खेळविण्यात आलेल्या अंतिम सामन्यात ठळकवाडीने भातकांडे संघाचा 37 धावांनी पराभव करून विजेतेपद पटकाविले. वीरज बस्तवाडकरने सामनावीर व उत्कृष्ट फलंदाज व प्रज्योत उघाडेने उत्कृष्ट गोलंदाज किताब पटकाविला. या संघात रोनित मेत्री, प्रज्योत उघाडे, मयूर जाधव, वीराज बस्तवाडकर, साईनाथ पालेकर, श्री हुद्दार, उमेश बेळगावकर, ज्ञानेश्वर मोरे, आदेश गोरल, केदार पोटे, शैलेश नाईक आदी खेळाडूंचा समावेश होता. या संघाला मुख्याध्यापक राजू कुडतरकर, छत्रू पाटील, सुरेश भातकांडे, आकाश लाड यांचे मार्गदर्शन लाभत आहे.