लोककल्पतर्फे कुसमळी येथे मोफत आरोग्य तपासणी शिबिर

बेळगाव : लोककल्पतर्फे सेंट्राकेअर हॉस्पिटलच्या साहाय्याने कुसमळी (ता. खानापूर) येथे मोफत आरोग्य तपासणी शिबिराचे आयोजन करण्यात आले. सुमारे 40 हून अधिक ग्रामस्थांनी या शिबिराचा लाभ घेतला. ग्रामीण भागातील नागरिकांना आरोग्य सेवा, तपासणी व सल्लामसलत या सुविधांची पूर्तता करणे हा या शिबिराचा मुख्य उद्देश होता. शिबिरामध्ये सेंट्राकेअर हॉस्पिटलच्या डॉ. सुश्मा, परिचारक प्रग्योत हिरेमठ, विनायक, एम. बी. मोदगी यांनी सेवा बजावली. लोककल्पचे संतोष कदम आणि संदीप पाटील यांनी समन्वयक म्हणून काम पाहिले. लोकमान्य मल्टिपर्पज को-ऑप. सोसायटीचे चेअरमन डॉ. किरण ठाकुर यांच्या मार्गदर्शनाखाली या शिबिराचे आयोजन करण्यात आले. या शिबिराचे आयोजन केल्याबद्दल कुसमळी ग्रामस्थांनी लोककल्पचे आभार व्यक्त केले.