लोककल्प फौंडेशनतर्फे ओतोळी येथे मोफत आरोग्य तपासणी शिबिर

बेळगाव : लोककल्प फौंडेशनतर्पे सेंट्रा केअर हॉस्पिटल यांच्या सहकार्याने ओतोळी (ता. खानापूर) येथे मोफत आरोग्य तपासणी शिबिराचे आयेजन करण्यात आले होते. ग्रामीण भागातील नागरिकांना मूलभूत आरोग्य सेवा उपलब्ध करून देणे हा या शिबिराचा मुख्य उद्देश होता. यावेळी सुमारे 55 हून अधिक ग्रामस्थांनी शिबिराचा लाभ घेतला. शिबिरामध्ये रक्तदाब, मधुमेह तपासणी तसेच आरोग्याविषयी सल्लामसलत करण्यात आली. सेंट्रा केअर हॉस्पिटलच्या डॉ. सुषमा, परिचारिका अंजली आणि अश्विनी, पीआरओ महांतेश मोदगी यांनी आरोग्य सेवा दिल्या. तसेच लोकमान्यचे संतोष कदम आणि संदीप पाटील यांनी समन्वयक म्हणून काम पाहिले. लोककल्प फौंडेशनतर्फे ग्रामीण भागातील नागरिकांच्या आरोग्याबाबतच्या विकासासाठी सीएसआर उपक्रमांतर्गत या शिबिराचे आयोजन करण्यात आले होते. लोकमान्य सोसायटीचे चेअरमन डॉ. किरण ठाकुर यांच्या मार्गदर्शनाखाली हे शिबिर यशस्वीपणे राबविण्यात आले.