लोककल्प फाऊंडेशनतर्फे कापोलीत मोफत आरोग्य शिबिर

बेळगाव :

लोककल्प फाऊंडेशन व केएलई आयुर्वेदिक हॉस्पिटल यांच्यावतीने खानापूर तालुक्यातील कापोली गावामध्ये मोफत आरोग्य शिबिर घेण्यात आले. एकूण 55 ग्रामस्थांनी शिबिराचा लाभ घेतला. याप्रसंगी डॉ. ऐश्वर्या मगदूम, डॉ. इंद्रराज पाटील, डॉ. तुळशीदास पाटील यांनी रुग्णांची तपासणी केली. त्यांना नारायण यांचे सहकार्य लाभले. याप्रसंगी लोककल्पचे संतोष कदम व संदीप पाटील उपस्थित होते. लोकमान्य सोसायटीच्या सीएसआर उपक्रमांतर्गत लोककल्पतर्फे खानापूर तालुक्यातील दत्तक 32 गावांमध्ये आरोग्य व शिक्षणविषयक उपक्रम सातत्याने राबविण्यात येत आहेत.